Վարդենիսում հետընտրական կրքերը չեն հանդարտվում․ ուղիղ

Վարդենիսի նորընտիր ավագանին այսօր՝ դեկտեմբերի 30-ին, իր անդրանիկ նիստ է գումարել:

Նշենք, որ դեկտեմբերի 5-ին կայացած ՏԻՄ ընտրություններում այս համայնքում «Քաղաքացիական պայմանագիր»-ը ստացել էր 13 մանդատ, «Ահարոն Խաչատրյան» դաշինքը՝ 10, «Միասնական Վարդենիս»-ը՝ 4 մանդատ։ Ընդդիմադիր ուժերն ընտրություններից հետո կոալիցիա կազմելու հուշագիր էին ստորագրել, և մանդատների քանակն արդեն բավարարում էր համայնքապետ ընտրելու համար։

Դրանից հետո «Միասնական Վարդենիս»-ի առաջին համար, Վարդենիսի նախկին քաղաքապետ Արամ Հարությունյանին հարուցված քրեական գործի շրջանակում մեղադրանք առաջադրվեց, և նա կալանավորվեց։

Անդրանիկ նիստից առաջ ավագանու անդամների միջեւ թեժ վիճաբանություն եղավ, անգամ քաշքշոց:

Միջադեպը գրանցվեց համայնքապետի ժամանակավոր պաշտոնակատար ՔՊ-ից համայնքապետի թեկնածու Արամ Մելքոնյանի եւ ««Ահարոն Խաչատրյան» դաշինքից Կարեն Մկրտչյանի միջեւ, որն ինչ-որ ժամանակ աշխատել է համայնքապետարանում: