Փոխնախարա՛ր, դու երեկ սուտ ասացիր․ «Գոյ» թատրոնի գեղարվեստական ղեկավար

Արմեն Մազմանյանի անվան բեմարվեստի ազգային, փորձարարական «Գոյ» կենտրոնը ԿԳՄՍ նախարարության նախագծով լուծարման եզրին է, մինչդեռ թատրոնի կազմը պատրաստվում է ամեն կերպ պայքարել այս նախագծի դեմ, ընդհուպ` դատական կարգով։ Այս մասին թատրոնի անձնակազմը հայտարարեց այսօր հրավիրված ասուլիսի ժամանակ։

Ի դեպ, նախարարության նախագծով նախատեսվում է «Գոյ» թատրոնը լուծարել, վարչական մասը կրճատել, իսկ ստեղծագործական կազմը միավորել Գաբրիել Սունդուկյանի անվան ազգային ակադեմիական թատրոնի հետ: Որպես հիմք նախարարությունը նշում է, որ «Գոյ» կենտրոնը 2022թ․ 3 մլն 436 հազար 990 դրամով թերի է կատարել տարեկան ֆինանսական պլանը: Բացի այդ հրավիրված բեմադրիչների կողմից ներկայացումներ չեն բեմադրվել և կենտրոնը չի համագործակցել ԿԳՄՍ նախարարության հետ և այլն:

Ի պատասխան` թատրոնի ստեղծագործական անձնակազմը նամակով դիմել է ԿԳՄՍ նախարարին և բացատրություններ պահանջել։

Թատրոնի գեղարվեստական ղեկավար Արթուր Սահակյանն ասաց, որ երբևէ չի տեսել ԿԳՄՍ փոխնախարար Արա Խզմալյանն այցելի թատրոն․

«2015 թվից ինչ թատրոնում եմ,  չեմ տեսել փոխնախարարին էստեղ , առավել ևս՝ պաշտոնավարման  ընթացքում»,-ասաց թատրոնի գեղարվեստական ղեկավարը։

Մանրամասն՝ տեսանյութում։