17 10 2021

Դիլիջանում հաղթել է ՔՊ թեկնածու Դավիթ Սարգսյանը

Դիլիջանում հաղթել է ՔՊ թեկնածու Դավիթ Սարգսյանը

Դիլիջանում ՏԻՄ ընտրություններում հաղթել է «Քաղաքացիական պայմանագիր» կուսակցության թեկնածու Դավիթ Սարգսյանը։

ՔՊ պատգամավոր Վահագն Ալեքսանյանի տվյալով, թեկնածուն ստացել է ընտրողների 57% ձայները։

Դավիթ Սարգսյանը ծնվել է 1984 թվականի մայիսի 26-ին, Դիլիջան քաղաքում: 2002-2004թթ. ծառայել է ՀՀ զինված ուժերում:

2001-2006 թթ. ընդունվել և ավարտել է Դիլիջանի պետական քոլեջը, ստացել տնտեսագետի և հաշվապահական հաշվառման մասնագետի որակավորում: Հեռակա կարգով ընդունվել է Եվրոպական համալսարանի տնտեսագիտություն և կառավարում ֆակուլտետը:

Զբաղվել է անհատ ձեռնարկատիրությամբ:

2016թ. ընտրվել է Դիլիջան համայնքի ավագանու անդամ:

Հիշեցնենք, որ Դիլիջան համայնքի ղեկավարի պաշտոնակատարի անձնական տվյալների ձևաթղթում Դավիթ Սարգսյանը իր սեռի դիմաց գրել էր «արու»: 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ