Հոկտեմբերի 19-ին ի՞նչ է ասել Իշխան Սաղաթելյանը՝ Ն. Փաշինյանին. մանրամասներ հանդիպումից

Ելույթ ունենալով ԱԺ ամբիոնից «Հայաստան» խմբակցության պատգամավոր Իշխան Սաղաթելյանը նշեց․

«Որոշել էի ելույթ չունենայի, բայց քանի որ պարզվեց վերջին պատերազմի մեղավորն էլ եմ ես և հոկտեմբերի 19-ին կարող էի կանգնեցնել պատերազմը և չեմ կանգնեցրել, պետք  է խոսեմ․․․ Հոկտեմբերի 19-ի հանդիպմանը ներկա է  եղել նաև Ալեն Սիմոնյանն ու Լիլիթ Մակունցը , պատերազմի ընթացքում 5 անգամ հանդիպել եմ ձեր ղեկավարի հետ , մեկ անգամ էլ՝ հեռախոսաազանգ եմ ունեցել, սեպտեմբերի 27-ի առավոտյան, պատերազմից 2 ժամ հետո, Դաշնակցությունը որոշում կայացրեց, որ ամեն քաղաքական տարաձայնություն դնում ենք մի կողմ , բոլորս զինվորի , պետության կողքին ենք, այդ մասին փոխանցել եմ ձեր կուսակցության ղեկավարին։ Ես մի առիթով պատմելու եմ մանրամասն այդ 5 հանդիպումների մասին։

Ամսի 27-ից մինչև ամսի 19-ը  ամեն օր ձեր «արծրունհովհանիսյաններով» ժողովրդին ասել եք հաղթում ենք,  հաղթել ենք, Գետաշենն ու Շահումյանը գրավել ենք։ Հոկտեմբերի 19-ին կառավարության դահլիճում ձեր վարչապետն ասում է վիճակը լավ չի, պետք է տանք , ես ասել եմ հետևյալը․  «Պարոն Նիկոլ Փաշինյան ,եթե այս պատերազմում հաղթենք բոլոր դափնիները քոնն է և քո  քաղաքական թիմինը, բայց եթե պարտվենք, ըստ ինձ դու երկիրը տանում ես կապիտուլյացիայի, դուք չեք մարդելու։

Ասել եմ, այս ամենի  մեղավորը  և պատասխանատուն անձամբ դուք եք , դա ասել եմ այդ հանդիպման ժամանակ և պահանջում եմ ձայնագրությունը հրապարակել։ Տվեցիք Էդուարդ Շարմազանովի անունը, մի կարևոր միտք է ասել , ասեց «Պարոն Նիկոլ Փաշինյան  ձեզ տվել ենք 12,5  հազար քառակուսի կմ-անոց Արցախ ու ինձ հետաքրքիր է ինչ ժառանգություն եք թողնելու ձեր հաջորդներին ․․․Ես այդ հանդիպպումների մասին խոսելու եմ, կրկնում եմ  պատերազմի մեղավորը և պատասխանատուն դուք եք և պետք է պատասխան տաք։ Հավանաբար ձեր սցենարի ավարտը նա էր, որ պարոն Կոնջորյանն այս ամբիոնից կրկնի , որ Իշխան Սաղաթելյանը կատարելու է Ալեն Սիմոնյանի հանձնարարականները․․․Ալեն Սիմոնյանը  ինձ չի կարող հանձնրարական տալ  նաև ԱԺ կանոնակարգի համաձայն»։