Քաղաքական մեծամասնությունը ջանք ու եռանդ չի խնայում ապացուցելու, որ ես ճիշտ եմ. Արմեն Աշոտյան

Արդեն մեկ տարի է, ինչ պնդում եմ, որ այս իշխանությունները համարժեք չեն Հայաստանի և Արցախի առջև ծառացած հիմնական մարտահրավերներին: Այս մասին ֆեյսբուքյան իր էջում գրել է ՀՀԿ փոխնախագահ Արմեն Աշոտյանը:

Նա, մասնավորապես, նշել է. «Ավաղ, քաղաքական մեծամասնությունը ջանք ու եռանդ չի խնայում շարունակաբար ապացուցելու, որ ես ճիշտ եմ:

Հետևելով զարգացումներին, կարող ենք արձանագրել, որ երկրի համար ամենակարևոր խնդիրների եռյակը հետևյալն է՝

1. Անվտանգություն

2. Արցախի ամրապնդում:

3. Տնտեսական զարգացում

Իսկ ահա հարցերի այն եռյակը, որով իշխանությունները առաջնահերթ զբաղվում են՝

1. Սահմանադրական դատարանի պաշարում

2. Ռոբերտ Քոչարյանի հանդեպ քաղաքական հետապնդում

3. Ստամբուլյան կոնվենցիայի վավերացում

Զուգահեռ իրականությունները և կեղծ քաղաքական օրակարգերը կործանարար են մեզ համար: Սակայն նման վտանգների գիտակցմամբ այս իշխանությունները աչքի չեն ընկնում:

Փոխարենը, ֆանտաստիկ ապաշնորհությամբ մսխում են սեփական քաղաքական վարկանիշը և քայաքայում նախկիններից ժառանգված պետական ինստիտուտները»: