Եվրոպական ուսումնասիրությունների կենտրոնի տնօրեն Արթուր Ղազինյանը ֆեյսբուքյան իր էջում գրում է․
«Չնայած իր կողմից հնչեցված բազմաբնույթ քննադատություններին, ուղղված դեպի Սերժ Սարգսյանի ձևավորած այս համամարգը, Փաշինյանը 9 ամսվա ընթացքում ոչինչ չարեց սուպերվարչապետական համակարգը թուլացնելու և իրական զսպումների և հակակշիռների համակարգ ձևավորելու համար։
Իսկ ինչի՞ համար է Փաշինյանին անհրաժեշտ պահպանել այս համակարգը:
Սերժ Սարգսյանը, ունենալով խիստ ցածր վարկանիշ, ձևավորեց այս գրեթե միապետական կառավարման համակարգը իշխանության և պետության կառավարման բոլոր օղակների վրա ամբողջական հսկողություն հաստատելու, այն պահելու և առավելագույնս կառավարելի դարձնելու համար։
Փաշինյանի վարկանիշն առայժմ բարձր է և այդ համակարգի կարիքը նա առայժմ չի զգում։
Սակայն դատելով նրա և իր թիմի ինտելեկտուալ և կազմակերպչական կարողություններից՝ այս բարձր վարկանիշը երկար դիմանալ չի կարող։ Անկումը կլինի շատ ավելի արագ, քան դրա ձևավորումն էր։
Փաշինյանից ավելի լավ որևէ մեկը չի պատկերացնում իր և իր թիմի հնարավորությունները և իրենից լավ որևէ մեկը չգիտի, թե ինչ վարկանիշ կունենան իրենք 4 կամ 6 ամիս հետո։
Իսկ եթե դրված է խնդիր ամեն գնով պահել իշխանությունը, ապա գնալ ուրիշի ձեռքով ստեղծված և ուրիշի համար կարված սուպերվարչապետական համակարգի վերացման, կլինի առնվազն միամտություն, նույնիսկ եթե այդ համակարգի իրական տերը Սերժ Սարգսյանն է։
Այնպես մի ակնկալեք, թե Փաշինյանը երբևէ կգնա սեփական իշխանության թուլացման և կվերացնի Սերժ Սարգսյանի ստեղծած սուպերվարչապետական կառավարման բուրգը։
Մնում է հասկանալ ամենակարևորը. կունենա Փաշինյանը բավարար հմտություններ և կարողություններ՝ այդ համակարգն օգտագործել իր իշխանությունը երկարաձգելու համար։
Արդեն սկսում եմ կասկածել»,- գրել նա:
https://www.facebook.com/plugins/post.php?href=https%3A%2F%2Fwww.facebook.com%2Faghazinyan%2Fposts%2F10210409126344667&width=500","width":"500","height":"299","style":"border: none; overflow: hidden;","scrolling":"no","frameborder":"0","allowtransparency":"true","allow":"encrypted-media"}}" width="500" height="299">
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը