06 07 2024

Սլովակիայի վարչապետը հայտնել է, որ կցանկանար Օրբանի հետ մեկնել Մոսկվա

Սլովակիայի վարչապետը հայտնել է, որ կցանկանար Օրբանի հետ մեկնել Մոսկվա

Սլովակիայի վարչապետ Ռոբերտ Ֆիցոն հայտարարել է, որ ինքը կմիանար հունգարացի գործընկեր Վիկտոր Օրբանին Մոսկվա մեկնելիս, եթե մահափորձից հետո իր առողջական վիճակը թույլ տար դա անել, հայտնել է BBC-ն:

«Ուզում եմ իմ հիացմունքն արտահայտել Հունգարիայի վարչապետի նկատմամբ, որ առանց վարանելու ուղևորություններ է կատարել Կիև և Մոսկվա», - մահափորձից հետո իր առաջին հրապարակային ելույթում ասել է Ֆիցոն: «Եթե առողջությունն ինձ թույլ տար գնալ, ես հաճույքով կմիանայի նրան»:

Հունգարիան և Սլովակիան հրաժարվել են անհատույց ռազմական օգնություն տրամադրել Ուկրաինային։

Վիկտոր Օրբանը հայտարարել է, որ Կիև և Մոսկվա կատարած իր այցերի ժամանակ իր առաքելությունը պատերազմի ավարտին օգնել է եղել: Ե՛վ Օրբանը, և՛ Ֆիցոն հանդես են գալիս Ռուսաստանի հետ խաղաղ բանակցությունների օգտին։

«Խաղաղ բանակցություններն ու նախաձեռնությունները երբեք շատ չեն լինում», - ասել է Ֆիցոն:

Սլովակիայի 59-ամյա վարչապետը կազդուրվում է մայիսի 15-ին մահափորձի ժամանակ ստացած ծանր վերքերից բուժվելուց հետո։ Նա երկու երկարատև վիրահատության է ենթարկվել և մայիսի 31-ին տեղափոխվել Բրատիսլավայի իր առանձնատուն՝ ապաքինվելու։

Ռոբերտ Ֆիցոն ելույթ է ունեցել քրիստոնեությունը սլավոնական ժողովուրդների մեջ տարածելու նպատակով 863 թվականին նախկին Մեծ Մորավիայի սլավոնական առաքյալներ Կյուրեղի և Մեթոդիոս գալուստին նվիրված արարողության ժամանակ։

Ըստ Ֆրանսպրեսի՝ Սլովակիայի վարչապետի ելույթը մայրաքաղաք Բրատիսլավայի մերձակայքի Դևին ամրոցում տևել է ավելի քան 15 րոպե և ընդունվել է բուռն ծափահարություններով։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ