Իրադրությունը բարդ է, դրա համար էլ զգոնությունը պետք է լինի կրկնակի․ Տաթևիկ Հայրապետյան

Տաթևիկ Հայրապետյանը ֆեյսբուքյան իր էջում գրում է․

Սա էլ եմ գրում ու վերջ այսօրվա համար 
Տեղակատվական գրոհի զոհ չդառնալու մի քանի պարզ կանոն՝
Միշտ ստուգեք տեղեկատվության աղբյուրը, սկզբնաղբյուրը, ամիս ամսաթիվը: Մի տարածե՛ք պատահական, չստուգված, խուճապ առաջացնող լուրեր:
Մի տարածե՛ք անհասկանալի, չստուգված տելեգրամյան ալիքների լուրեր:
Մի տարածե՛ք դեսպանատների հին հայտարարությունները որպես նոր: Եթե անգամ տեսել եք սոցիալական տիրույթում, անպայման ստուգեք դեսպանատան կայքում, ստուգեք ամսաթիվը: Եթե լեզուն չգիտեք, օգտագործեք Google translate:
Միշտ հիշե՛ք, տեղեկատվական պատերազմի պայքարի կարևոր բաղադրիչ է: Ադրբեջանը գրոհը սկսում է հենց երեկոյան ժամերին:
Նպատակը՝ ստուգել հանրության դիմադրությունը, խոցելիությունը, ստուգել համապատասխան կառույցների աշխատանքը: Կառույցները ցավոք, չեն աշխատում, հանրությունն էլ սկսում է խուճապի մատնվել: Դրա համար հորդորում եմ՝ եղեք զգոն, գիտակից, մի տրվեք քարոզչական ծուղակներին:
Իրադրությունը բարդ է, դրա համար էլ զգոնությունը պետք է լինի կրկնակի:
Խաղաղ գիշեր ու անփորձանք ծառայություն սահմաններին կանգնած մեր զինվորներին: Հիշե՛ք՝ իրենց թիկունքը պետք է լինի ամուր, իսկ թիկունքը՝ մենք ենք