Եթե Հայաստանը պատրաստ լինի, պատրաստ կլինենք այս ձևաչափը սկսել թեկուզ այսօր. Ալիև

Հնարավորություն կա խորհրդակցություններ անցկացնել Ադրբեջանի, Հայաստանի և Վրաստանի միջև: Այս մասին Վրաստանի վարչապետ Իրակլի Ղարիբաշվիլիի հետ մամուլի համար համատեղ հայտարարության ժամանակ ասել է Ալիևը:

Ադրբեջանի նախագահը նշել է, որ իրենց կարծիքով՝ Հայաստան-Ադրբեջան հակամարտության լուծումը պահանջում է Ադրբեջանի և Հայաստանի միջև խաղաղության համաձայնագրի ստորագրում. «Մենք Հայաստանի հետ արդեն կիսվել ենք հինգ հիմնարար սկզբունքներով, և հուսով ենք, որ Հայաստանը քաղաքական կամք կցուցաբերի, խաղաղ բանակցություններ կսկսի և խաղաղության պայմանագիր կստորագրի Ադրբեջանի հետ։ Եթե դա տեղի ունենա, Հարավային Կովկասում խաղաղություն կհաստատվի և համագործակցության նոր հնարավորություններ կհայտնվեն։
Ալիևը նաև նշել է, որ հնարավորություն կա խորհրդակցություններ անցկացնել Ադրբեջանի, Հայաստանի և Վրաստանի միջև, եթե Հայաստանը պատրաստ լինի, իսկ իրենք պատրաստ կլինենք սկսել այս ձևաչափը թեկուզ այսօր:

Վրաստանի վարչապետ Իրակլի Ղարիբաշվիլին պատրաստակամություն է հայտնել աջակցել խաղաղության քաղաքականությանը. «Մենք անդրադարձել ենք նաև տարածաշրջանում տիրող իրավիճակին, վերջին շրջանում Ադրբեջանի և Հայաստանի միջև ձեռք բերված խաղաղության բանակցությունների գործընթացի մեկնարկի մասին համաձայնությանը։ Սա, անշուշտ, մեզ մեծ հույս է տալիս»: