Ռուսաստանում Հայաստանի դեսպանատունը մաքսային կցորդ ունի

Վահան Հակոբյանը նշանակվեց Ռուսաստանում Հայաստանի դեսպանությանը կից մաքսային կցորդ:

Կառավարության որոշման հիմնավորման մեջ նշվում է, որ այն պայմանավորված է ՀՀ մաքսային ոլորտին առնչվող շահերը ՌԴ-ում ներկայացնելու, Հայաստանի և Ռուսաստանի միջև մաքսային ոլորտին առնչվող հարցերում փոխշահավետ և ակտիվ համագործակցություն ապահովելու, այդ թվում՝ Դաշնային մաքսային ծառայության Հյուսիս-Կովկասյան մաքսային վարչության Հյուսիս-Օսեթական մաքսատան (Վերին Լարս) միջազգային ավտոմոբիլային անցակետում մաքսային գործառնությունների իրականացման հետ կապված խնդիրների լուծման ուղղությամբ օպերատիվ քայլեր ձեռնարկելու և այլ գործառույթներ իրականացնելու հետ:

Հիմնավորման մեջ նաև նշվում է, որ հատկապես Վերին Լարսի անցակետում մաքսային ոլորտին առնչվող խնդիրներին արագ արձագանքելու համար չունենք անհրաժեշտ մարմին՝ ներկայացուցիչ, ինչը զգալիորեն խոչընդոտում է թե' ակտիվ փոխհամագործակցության ապահովմանը, և թե' առաջացող խնդիրների լուծման ուղղությամբ օպերատիվ քայլերի ձեռնարկմանը: