09 05 2020

Ո՞վ է Նիկոլ Փաշինյանի ներկայացրած հերոսը․ տվյալներ

Ո՞վ է Նիկոլ Փաշինյանի ներկայացրած հերոսը․ տվյալներ

Վարչապետ Նիկոլ Փաշինյանը հրապարակել է ՝ Մեծ Հայրենականի մասնակից Նիկոլ Փաշինյանի լուսանկարը և գրառում կատարել․ «Նիկոլ Փաշինյան, 1913-1943։ Ծառայել է 138-րդ հրաձգային դիվիզիայի 554-րդ հրաձգային գնդում։ Հավերժ փառք հայրենիքի համար ընկածներին»։

https://obd-memorial.ru/կայքում Մեծ հայրենականի զոհվածների, անհետ կորածների, մահացածների տվյալներն են։ Այստեղ փնտրում ենք Նիկոլ Փաշինյանի հրապարակած մարդու տվյալները և հետևյալն է բերում՝ 

Ծննդյան թիվ – 23․12․1913

Ծննդավայր – Հայկական ՍՍՀ, Ենոքավան

Ճակատագիրը - Համագործակցել է թշնամու հետ, զոհվել է

Մահվան թվական – 29․09․1943

Վարչապետի ներկայացրած Նիկոլ Փաշինյան ավագի մասին տվյալները և որոնողական կայքի տվյալները համընկնում են, որտեղ նշվում է, որ Նիկոլայ Վարտանի Փաշինյանը ծնվել է ՀԽՍՀ, գյուղ Ենոքավան, 1913 թվականին և մահացած 1943թ․։ 

Վարչապետի հրապարակած՝ պատերազմի մասնակից Նիկոլ Փաշինյանը ի՞նչ ազգական է ՀՀ վարչապետ Նիկոլ Փաշինյանին, չգիտենք, սակայն, ըստ կայքի տվյալների, համագործակցել է նացիստական իշխանությունների հետ։ 

Կայքը նաև հրապարակել է Գերմանական հաշվառման փաստաթուղթ։ 

Մեկ այլ որոնողական համակարգում փնտրելով Հայրենական Մեծ պատերազմի հիշյալ մասնակցի անուն-ազգանունը, բերում է գրեթե նույն տվյալները՝ այլ հայրանունով։ Այստեղ համընկնում է անուն-ազգանունը, ծննդյան և մահվան թվականները, նաև՝ վարչապետի ներկայացրած զորամիավորման համարը՝ 554-րդ հրաձգային գունդ։ 

Այս ամենից սակայն, պարզ չի դառնում՝ տվյալները վերաբերում են նույն մարդո՞ւն, թե՝ ոչ։ Այնուամենայնիվ, միակ տարբերությունը հայրանունն է։ Բացի այդ, ներկայացված առաջին կայքում նշվում է, որ համագործակցել է նացիստների հետ, իսկ երկրորդում՝ որ անհետ կորել է։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ