Առաջին և երկրորդ երեխայի ծննդյան միանվագ նպաստի չափը կսահմանվի 300 000 դրամ

Հունվարի 9-ին կառավարությունը որոշեց ավելացնել առաջին և երկրորդ երեխայի ծննդյան միանվագ նպաստը: Այսպիսով՝ ներկայումս գործող որոշմամբ՝ առաջին կամ երկրորդ երեխայի` մինչև 2020 թվականի հուլիսի 1-ը ծնված երեխայի ծննդյան միանվագ նպաստը, Հայաստանի Հանրապետության կառավարության որոշմամբ՝ նշանակվում և վճարվում է` առաջին երեխայի ծնվելու դեպքում` հիսուն հազար դրամ, երկրորդ երեխայի ծնվելու դեպքում` հարյուր հիսուն հազար դրամ:

Համաձայն ներկայացված նախագծի՝ առաջարկվում է 2020 թվականի հուլիսի 1-ին և դրանից հետո ծնված` առաջին և երկրորդ երեխայի ծննդյան կապակցությամբ նշանակվող երեխայի ծննդյան միանվագ նպաստի չափը սահմանել 300 000 դրամ։

Սույն որոշումն ուժի մեջ է մտնում 2020 թվականի հուլիսի 1-ին և տարածվում է այն դեպքերի վրա, երբ երեխան ծնվել է 2020 թվականի հուլիսի 1-ին կամ դրանից հետո:

Նախագիծն ընդունվելու դեպքում երեխայի ծննդյան միանվագ նպաստի չափը առաջին երեխայի ծնվելու դեպքում կավելանա 250 հազար դրամով, իսկ երկրորդ երեխայի ծնվելու դեպքում` 150 հազար դրամով:

Վարչապետը նշեց, որ այս որոշմամբ ցանկանում են խրախուսել, որ քաղաքացիները երեխաներ ունենան և ուզում են խթանել աշխատանքի շուկայում համապատասխան հմտություններ ունեցող մայրերին, որ հնարավորինս արագ վերադառնան աշխատանքի: