«Գոնե ասեիր հղի եմ»․ քաղաքացիները չեն հավատում Փաշինյանի՝ կորոնավիրուսով վարակվելուն․ 18+

Նիկոլ Փաշինյանը ֆեյսբուքյան էջում հետևյալ գրառումն էր արել․ «Երկուշաբթի՝ դեկտեմբերի 23-ին, քովիդի դրական ախտորոշում եմ ունեցել: Դեկտեմբերի 23-ին և 24-ին մեկուսացել և աշխատել եմ կեցավայրից: Դեկտեմբերի 25-ին ախտորոշումս արդեն բացասական է և վերադառնում եմ աշխատանքային սովորական ռեժիմի: Այսուհանդերձ, նաև խորհրդակցելով գործընկերների հետ, չեմ մասնակցի այսօր Սանկտ Պետերբուրգում կայանալիք ԱՊՀ երկների ղեկավարների ոչ պաշտոնական գագաթնաժողովին: Մինչև օրվա վերջ որոշում կկայացնեմ վաղը ԵԱՏՄ բարձրագույն տնտեսական խորհրդի նիստին մասնակցել-չմասնակցելու վերաբերյալ»:

Ուշագրավ է, որ Նիկոլ Փաշինյանի ճշմարտացիությանը շատերը չեն հավատում և կարծում են, որ նա պարզապես պատճառ է բռնել ԱՊՀ ղեկավարների նիստից խուսափելու համար։

Փաշինյանի ֆեյսբուքյան էջում ծաղրական և հայհոյախառն մեկնաբանությունները գերակշռում են։