Խուսափելու հարց չկար, նույն ստերի շարանն էր լինելու. Գեղամ Մանուկյան

Ես չգիտեմ՝ ձեր չափման միավորը որն է, բայց ես որպես իմ հայրենակիցներին սիրող, եթե մեկ մարդ անգամ կանգնում է հրապարակում, ինձ համար ամենամեծ արժեքն է: Հասկանում եմ՝ իշխանական քարոզչամեքենան բոլորիս հարկերի հաշվին առավոտից իրիկուն թող հաշվեն, աչքներդ բացեք, որովհետև այսօր նույնիսկ իշխանական շահեր սպասարկող լրագորղները պետք է հասկանան, որ իրենց զավակները ապրելու են այս երկրում: Ազգային ժողովում ճեպազրույցի ժամանակ ասաց «Հայաստան» խմբակցության պատգամավոր Գեղամ Մանուկյանը՝ դիմելով մարդկանց, ովքեր սպասարկում են իշխանության շահերը:

Ինչ վերաբերում է հարցին՝  Փաշինյանը բացահայտում ուներ, ինչո՞ւ չմնացին, որ լսեին, պատգամավորը պատասխանեց. «Նիկոլ Փաշինյանն այնքան է բացահայտել, էդ նույն ստերի շարանն էր լինելու, խուսափելու հարց չկար: Ոչ թե այս կամ այն հարցի շուրջ Նիկոլ Փաշինյանից պետք է ակնկալեինք պատասխան, այլ մենք հրապարակեցինք այն հիմնական թեզերը, որ այսօր հանրության հսկայական զանգվածի՝ մեր հայրենակիցների մոտ հասունացել է հանրային հրաժարականի պահանջ»:

Իսկ հետագա քայլերի վերաբերյալ հարցին և արդյոք հաջորդ նիստերին ներկայանալու են, Գեղամ Մանուկյանն ասաց. «Մեր մուտքն ԱԺ փակ չէ, և մենք ունենք նաև մանդատ վաղը նոր կառավարության, նոր վարչապետի ընտրության համար, և այդ մանդատը կիրառելու ենք»: