«Գիտեք, երբ պատրաստվում էի, որ այսքան խելացի ու պատրաստված երիտասարդների պետք է ինչ-որ բաներ ասեմ, որ դա լինի որպես իմ կարծիք ու նրանց համար ինչ-որ ուղենիշային նշանակություն ունենա, փորձում էի Թրիպը կամ Թրամփի ուղին ինչ-որ բանաձևով ներկայացնել, բնականաբար թերթելով նյութեր, տարբեր մարդկանց հարցազրույցներ և այլն: Ու նախագահ Քոչարյանի մի բառաձևում եկավ իմ մտքին ու հիմա փորձում եմ Իրանի նոր սկսված պատերազմի մասը նաև ավելացնելով այդ ձևակերպմանը՝ տամ այդ ֆորմուլան՝ ինչ է Թրամփի ուղին։ Թրամփի ուղին դա ամերիկյան ծրագիր ա՝ Հայաստանի հաշվին նվիրատվություն Թուրքիային և Ադրբեջանին։ Սա նախագահի ձևակերպումն է, շարունակությունը այս պատերազմի արդյունքում դարձավ՝ ուղղված Իրանի դեմ։
Եթե, օրինակ, այս պատերազմը սկսվեր էն ժամանակ, երբ որ արդեն գործարկված լիներ Թրամփի ուղին, հավատացեք, որ դա լինելու էր իրանական թիրախներից մեկը և փաստացի մեր տարածքը համարվելու էր ամերիկյան ներկայություն տարածաշրջանում, որը ռմբակոծության ուղիղ նշանակության տակ էր լինելու»,- այս մասին «Բեկում» համաերիտասարդական ֆորումի ժամանակ ասաց «Առաջ» աջակենտրոն կուսակցության անդամ Նարեկ Մանթաշյանը:
Մանրամասն՝ տեսանյութում։
