«Հայաստան» դաշինքի անդամ Նարեկ Մանթաշյանը ֆեյսբուքյան իր էջում գրում է․ «Հայ-ռուսական հարաբերությունները փչացել են, որովհետև խաղաղություն է լինելու, իսկ ռուսներին միայն կոնֆլիկտն էր պետք»․ ահա հերթական թեզը, որով փորձ է արվում արդարացնել սեփական արտաքին քաղաքական ձախողումները։
Սա ոչ թե աշխարհաքաղաքական վերլուծություն է, այլ պատասխանատվությունից փախչելու և մեղքը կրկին արտաքին ուժերի վրա բարդելու հերթական տակտիկան։
Պնդել, թե խաղաղության պայմաններում դաշնակցային հարաբերությունները կորցնում են իրենց իմաստը, ծայրահեղ կարճատեսություն է։ Ռազմավարական կապերը քանդելը՝ առանց որևէ իրական անվտանգային այլընտրանքի ու երաշխիքի, ոչ թե ինքնիշխանություն է կամ «խաղաղության գին», այլ պետությունը լիակատար անվտանգային վակուումի մեջ թողնելու ծայրահեղ վտանգավոր փորձարկում»։
