Պատերազմը չի ավարտվել, այն շարունակվում է մեր ինքնության, մեր եկեղեցու, մեր ազգային արժեքների և մեր տեսակի դեմ։ Մեր հայրենիքը մկրատով կտրատում են և ամեն օր մի կտոր նվիրում թշնամուն։ Այս մասին Արտաշատում հայտարարել է ՀՅԴ ներկայացուցիչ Գերասիմ Վարդանյանը։
Նրա խոսքով՝ 2020 թվականի սեպտեմբերի 27-ին սկսված պատերազմից հետո ռազմական գործողություններն ավարտվել են, սակայն, Դաշնակցության գնահատմամբ, պայքարը շարունակվում է ազգային ինքնության և հայրենիքի պաշտպանության համար։
«Այդ պատերազմում մենք կորցրեցինք հայրենիք, պետություն, Արցախ։ Այսօր Արցախի ժողովուրդն անմխիթար վիճակում է․ նա իրեն օտար է զգում իր հայրենիքում։ Արցախում նրան հալածում է թշնամին՝ Ադրբեջանը, իսկ Հայաստանում՝ ներքին թշնամին»,- նշել է Վարդանյանը։
