«Հայաստան» դաշինքի անդամ Նարեկ Մանթաշյանը գրում է. «Նախագահ Ռոբերտ Քոչարյանին կալանավորելով՝ օրվա իշխանությունը փորձում է լուծել ընդամենը մեկ խնդիր։
Բոլորին վաղուց հայտնի է՝ նախագահի ոչ կամքը կարող են կոտրել, ոչ էլ ստիպել հրաժարվել պայքարից։ Ուստի այստեղ նպատակը ոչ թե Քոչարյանին լռեցնելն է․ դա անհնար է։
Իրական օրակարգը շատ ավելի պարզ է՝ մեկուսացնել պայքարի առաջնորդին և հանրության ուշադրությունը շեղել հերթական սպասվող աղետից։
Երբ իշխանությունը խնդիրները լուծելու փոխարեն սկսում է մեկուսացնել քաղաքական հակառակորդներին, դա ուժի ցուցադրություն չէ։ Դա վախի ցուցիչ է։
Բայց թող չմոռանան՝ կարելի է մեկուսացնել մարդուն, բայց չի կարելի մեկուսացնել գաղափարը, պայքարը և հասարակության պահանջը։
Ու եթե կարծում են, թե փակ դռների հետևում կարող են կոտրել պայքարի կամքը, ապա պարզապես չեն ճանաչում Ռոբերտ Քոչարյանին։
Քոչարյանին կարող են կալանավորել, բայց չեն կարող կալանավորել այն պայքարը, որի համար նրան փորձում են մեկուսացնել։
