«Սիրելի՛ գյումրեցիներ, նախագահությանս տարիներին Գյումրին այն քաղաքն էր, որտեղ ամենից շատն եմ եղել: Դուք վկա եք՝ տարին մի քանի անգամ գալիս էի ստուգելու՝ շինարարության տեմպերը կարողանո՞ւմ ենք պահել, թե՞ ոչ, էլ ինչ կարելի է անել քաղաքը վերականգնելու համար: Ինձ համար դա եղել է արժանապատվության հարց, թասիբի հարց, և ինքս ինձ ասել եմ հետևյալը․ մինչև իմ լիազորությունների ժամկետը լրանալը չպետք է որևէ բան մնա չլուծված, չկառուցված կամ չվերականգնված։ Մինչ այստեղ գալն ինձ ասացին, որ դեռ ինչ-որ տնակներ կան․ գոնե այդ տնակների համար պարտավոր ենք հետ գալ: Կարող եմ ասել մի բան՝ ձեզ հանգիստ չեմ թողնելու, գիշեր-ցերեկ աշխատեցնելու եմ: Հայաստանի Հանրապետության և ոչ մի ղեկավար չի արել Գյումրիի համար այնքան, որքան ես եմ արել. դա փաստ է: Բայց նաև ոչ մեկը, ով էլ ընտրվի, չի անելու այնքան, որքան ես եմ անելու, եթե ընտրվեմ»,— այս մասին Գյումրիում «Հայաստան» դաշինքի հանրահավաքի ժամանակ ասաց դաշինքի առաջնորդ, ՀՀ երկրորդ նախագահ Ռոբերտ Քոչարյանը։

Մանրամասն՝ տեսանյութում։