ՀՀ վարչապետ Նիկոլ Փաշինյանը, Արևմուտքի պահանջով, հանձնեց այն ամենը, ինչի համար պայքարել են հայերի բազմաթիվ սերունդներ։ Այս մասին ՌԻԱ Նովոստիին հայտնել է Պետդումայի պաշտպանության կոմիտեի առաջին փոխնախագահ Ալեքսեյ Ժուրավլյովը:
Լրատվամիջոցը հիշեցնում է, որ ավելի վաղ Հայաստանը և Միացյալ Նահանգները համաձայնության էին եկել իրականացնել «Թրամփի ուղին միջազգային խաղաղության և բարգավաճման համար» գաղափարը, որը նախատեսում է Ադրբեջանը Նախիջևանի հետ կապող 40 կիլոմետրանոց «Զանգեզուրի միջանցքի» ստեղծում:
«Փաշինյանը կամավոր հրաժարվեց այն ամենից, ինչի համար հայերի բազմաթիվ սերունդներ երկար ժամանակ պայքարել են միայն այն պատճառով, որ իր արևմտյան տերերն այդպես էին ուզում», – ասել է Ժուրավլյովը:
Պատգամավորը նաև նշել է, որ Երևանը ոչինչ չի ստացել ո՛չ Բաքվից, ո՛չ էլ Վաշինգթոնից, փոխարենը Զանգեզուրի միջանցքը 99 տարով վարձակալության է տրվել ամերիկացիներին:
«Պանամայի օրինակը ցույց է տալիս, թե ինչպես է սա սովորաբար ավարտվում. վարձակալի կարգավիճակով ջրանցք մտնելով՝ ԱՄՆ-ն այնուհետև մի քանի տասնամյակ փաստացի վերահսկում էր այդ երկիրը։ Նույնը հիմա սպառնում է նաև Հայաստանին, որտեղ նրա վարչապետը մեծածախ և մանրածախ առևտրով է զբաղվում», — եզրափակել է Ժուրավլյովը։
