Ռուսաստանի արտաքին գործերի նախարար Սերգեյ Լավրովը հայտարարել է, որ Վլադիմիր Զելենսկին ռազմաճակատում դադար չի վաստակել։ Հայտնում է Ռիա նովոստին:
Լիբանանի ԱԳ նախարար Յուսեֆ Ռաջիի հետ համատեղ ասուլիսի ժամանակ Լավրովին հարցրել են՝ արդյոք Ռուսաստանի և Ուկրաինայի միջև ձեռք է բերվել էներգետիկ հրադադար, որի մասին նախօրեին հայտնել էր ԱՄՆ նախագահ Դոնալդ Թրամփը։
«Թրամփի հայտարարության վերաբերյալ Զելենսկու ձևական զարմանքը միայն մեկ բան է արտացոլում․ նա շատ է ցանկանում օգտագործել հանրային դաշտում հայտնվող ցանկացած խոսք, նախաձեռնություն կամ գաղափար՝ ամեն կերպ առաջ մղելու ռազմաճակատում դադար ստանալու իր շահագրգռվածությունը։ Չեմ կարծում, որ նա արժանի է այդ դադարին», — նշել է Լավրովը։
Նրա խոսքով՝ Զելենսկին հայտարարում է, որ պատրաստ է ընտրություններ անցկացնել, եթե իրեն երկու ամիս ժամանակ տան ուժերը վերականգնելու համար, սակայն այդ ընթացքում Եվրոպան Ուկրաինայի զինված ուժերին նոր սպառազինություն կտրամադրի՝ ռազմական գործողությունները շարունակելու նպատակով։
