Օրերս՝ հոկտեմբերի 9-ին, Թուրքմենբաշի քաղաքում տեղի ունեցավ ԱՊՀ անդամ պետությունների ղեկավարների խորհրդի հերթական գագաթնաժողովը։ Տեսանյութ տարածվեց, թե ինչպես են փաթաթվում-ողջագուրվում Նիկոլ Փաշինյանն ու Բելառուսի նախագահ Ալեքսանդր Լուկաշենկոն։
Իհարկե լավ է, որ Նիկոլ Փաշինյանը փաթաթվելու աստիճան ջերմ հարաբերություն ունի այլ երկրի ղեկավարի հետ, սակայն տեղին ենք համարում հիշեցնել Նիկոլ Փաշինյանի խոսքն առ Ալեքսանդր Լուկաշենկո ընդամենը 2 տարի և 4 ամիս առաջ։
Եվ այսպես, 2024թ․ հունիսի 13-ին ԱԺ ամբիոնից հայտարարում է․ «Արձանագրում եմ, որ ես այլևս երբեք Բելառուս չեմ այցելի, քանի Բելառուսում նախագահը Ալեքսանդր Լուկաշենկոն է։ Եվ հայտարարում եմ, որ այս պահից ՀՀ ոչ մի պաշտոնական ներկայացուցիչ Բելառուս չի այցելի ընդհանրապես»։
Պատճառը Լուկաշենկոյի հայտարարությունն էր 44-օրյա պատերազմի մասին, Ալիևին ուղղած ողջույնները։
Սա, թերևս, այն քիչ դեպքերից է, որ Փաշինյանը խոստումը չի դրժել․ իսկապես նա չի այցելել Բելառուս։ Բայց ուշագրավ է, որ Ալեքսանդր Լուկաշենկոյի հետ ողջագուրվելու որևէ առիթ բաց չի թողնում։
Ստացվում է՝ Փաշինյանը ոչ թե Լուկաշենկոյի հետ է խռով, այլ՝ Բելառուսի։
