«Իմ կարծիքով մենք պետք է հստակ մեր ծրագրով առաջ շարժվենք: Մենք չպետք է մտածենք, որ պրոցեսը անլրջացնելը դա ճիշտ տարբերակ է, դա մեր էության հետ չի բռնում ընդհանրապես: Մենք չենք կարող մեր ինքնությունը պահպանելու մասին չխոսալ, բայց մենք արդեն տեսնում ենք, թե ում հետ գործ ունենք»,- «Մեծ քաղաքականություն» փոդքասթի երրորդ թողարկման ժամանակ ասաց ՀՀ երկրորդ նախագահ Ռոբերտ Քոչարյանը: Այնուհետև հավելեց․
«Ես ժամանակին նաև էլեկտրիկ էլ եմ աշխատել, ընդհանրապես բանվոր էլ եմ աշխատել։ Ռուսերեն ասում են՝ методом втыка: Անգրագետ էլեկտրիկը, որ չի հասկանում՝ ոնց անի, փորձում է ստեղ-ընդեղ էդ методом втыка-ն, որտեղ զամըկանի չի տալիս, ուրեմն նորմալ է։ Հիմա այս մարդը քաղաքականության մեջ ինչ արել է, արել է методом втыка, բայց այդ втык-ի ժամանակ հազարավոր մարդիկ են զոհվել, հսկայական տարածքներ ենք կորցրել և հսկայական նյութական վնասներ ենք ունեցել որպես մի ազգ, մի ժողովուրդ:
Մենք չենք կարող այդ ոճը, այդ մոտեցումը որդեգրել, որովհետև մենք պարտավոր ենք ամեն ինչ հաշվարկել: Եվ ընդհանրապես, երբ մարդ ընդունակ է իր ինտուիցիայով, գիտելիքներով կանխատեսել մի բան, սա նշանակում է, որ այդ մարդը ի վիճակի է տարբեր փաստեր, տարբեր հանգամանքներ կպցնել, այդ լեգոն հավաքել, այդ պատկերը ստանալ։ Ինքը դա չունի, ուղղակի չունի։
Երեկվա միջադեպը՝ մետրոյում այդ կնոջ վրա իր հարձակումը խոսում է մի բանի մասին, որ ինքը նաև չունի հայկական դաստիարակության կոդը։ Ես չեմ պատկերացնում ոնց է կարելի մի կնոջ երեխայի հետ, փոքր երեխայի հետ խոսալ այդ տոնով։ Ինձ համար սա ապշելու մի երևույթ էր և դա դրսևորվեց երկրի առաջին դեմքի կողմից: Այս մարդը հայության հետ կապ չունի: Հայերեն լավ է խոսում, բայց հայկական կոդի հետ կապ չունեցող մարդ է: Չի հասկանում ինչ է մայրը փոքր երեխայի հետ և չի կարողանում զսպել իր բնավորությամբ այդ խայտառակ ինչ-որ կողմերը: Սա պրոբլեմ է»։
Մանրամասն՝ տեսանյութում։
