«Մենք հասկանում ենք, որ խաղաղության օրակարգ, ըստ էության, չկա, որովհետև յուրաքանչյուր փուլում կա ադրբեջանական նոր պահանջ, և այս իշխանությունները գնում են այդ պահանջը բավարարելու ճանապարհով՝ հույս ունենալով, որ գուցե այդ փուլում հասնեն իրենց պատկերացրած խաղաղությանը։ Բայց ամեն հաջորդ անգամ ականատես ենք լինում նոր պահանջների։
Հիմա ուզում եմ ընդգծել, որ ամբողջ ընդդիմադիր դաշտը և հիմնական քաղաքական ուժերը միավորվել են ու մեկ հարցի շուրջ կոնսենսուս ունեն՝ թույլ չտալ, որպեսզի Հայաստանում ընդունվի Ալիևի սահմանադրություն։
Հայաստանի Հանրապետության Սահմանադրության վերաբերյալ այսօր գործող քաղաքական ուժերն ունեն տարբեր կարծիքներ, բայց մի բան ակնհայտ է․ որքան էլ դժգոհություններ ունենանք գործող Սահմանադրությունից, Հայաստանում չի կարող ընդունվել ալիևյան սահմանադրություն։ Հայաստանում կարող է լինել միայն հայկական Սահմանադրություն, հայկական օրակարգի շրջանակում ձևավորված առաջարկ, և ոչ երբեք՝ այլ երկրի պարտադրանքով ընդունված սահմանադրություն»,- այս մասին այսօր՝ նոյեմբերի 9-ին, Եռաբլուր զինվորական պանթեոնում լրագրողների հետ զրույցում նշեց ԱԺ «Հայաստան» խմբակցության ղեկավար Աննա Գրիգորյանը։
Մանրամասն՝ տեսանյութում։
