Գլխավոր պացիենտը նոր նոպաների մեջ է ընկել․ Իշխան Սաղաթելյան

Երեկ և այսօր ավարտեցինք մեր Սյունիքի այցը և քիչ առաջ տեսանք, որ գլխավոր պացիենտը նոր նոպաների մեջ է ընկել: Այս մասին ասաց ՀՅԴ Հայաստանի ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը Ջերմուկ քաղաքում ընտրողների հետ հանդիպմանը։

«Գլխավոր պացիենտը նոր նոպաների մեջ է ընկել՝ խոսում է վենդետաներից, քաղաքացիական բախումներից, ժողովրդին ոտքի տակ առնելուց, նաև հատուկ հաթաթա է տվել համայնքի ղեկավարներին։ Ես կոչ եմ անում համայնքների ղեկավարներին ծիծաղել այս խելագարի վրա հերթական անգամ, շարունակել իրենց պատասխանատու աշխատանքը․ Հայաստանում վենդետա չի լինելու, Հայաստանում նոր մարտի 1 չի լինելու, Հայաստանում նոր արյուն չի թափվելու, մեր ժողովուրդը հանդարտ, կազմակերպված հունիսի 20-ին գնալու է ընտրության և մերժի այս չարիքի կառավարությանը»,-ասաց Իշխան Սաղաթելյանը։

Նա վստահություն հայտնեց, որ Ջերմուկը ևս «Հայաստան» դաշինքի հետ է, ամբողջությամբ գիտակցում է ստեղծված իրավիճակը, որովհետև այս չարիքի կառավարության պատճառով թշնամին մոտեցել է Ջերմուկին ևս, 10-15 կմ հեռավորության վրա է գտնվում․ սա է այսօրվա իշխանության դեմքը։

Իշխան Սաղաթելյանը նշեց, որ իրենք խոսում են մեր երկրի անվտանգությունից, և խոստանում են ոչ միայն անվտանգություն, այլև բարեկեցիկ Հայաստան։

Մանրամասն՝ տեսանյութում։