02 07 2015

Հայաստանում բողոքի ցույցերը փորձում են քաղաքականացնել. Սերգեյ Լավրով

Հայաստանում բողոքի ցույցերը փորձում են քաղաքականացնել. Սերգեյ Լավրով

Հայաստանում էլեկտրաէներգիայի սակագնի բարձրացման դեմ բողոքի ցույցերը կրում են բացառապես տնտեսական բնույթ, բայց դրանք փորձում են քաղաքականացնել: Այդ մասին հուլիսի 2-ին հայտարարել է Ռուսաստանի արտգործնախարար Սերգեյ Լավրովը, հայտնում է ria.ru-ն։ «Չափազանց շատ ուշադրություն է դարձվում երիտասարդությանը՝ ազգային օրակարգը ձևավորելու հարցում, այդ թվում՝ այսպես կոչված՝ խաղաղ ցույցերի պրիզմայով, որոնք ավելի ու ավելի են դառնում վարքագծի նորմ: Դուք գիտեք՝ ինչպես էին սկսվում գունավոր հեղափոխությունները, Ուկրաինայում Մայդանը, ներկայիս իրադարձությունները Հայաստանում… Կա նաև գայթակղություն՝ դրանք օգտագործել հակակառավարական տրամադրությունները սրելու համար, սակայն այդ իրադարձությունների արմատները խիստ տնտեսական են, բայց ոմանց, ըստ երևույթին, օգտակար է թվում ավելի հեռուն գնալ և այդ գործընթացները զարգացնել քաղաքական ճանապարհով»,- հայտարարել է Լավրովը BRICS-ի մասնակիցների հետ հանդիպմանը։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ