Հայաստանի բանտերում 2 տոննա ոգելից խմիչք է հայտնաբերվել

2017թ. ընթացքում քրեակատարողական հիմնարկներում կատարված հանցագործությունների դեպքերով հարուցվել է 76 քրեական գործ, ինչը 4-ով ավել է նախորդ տարվա նույն ժամանակահատվածից: Այս մասին հայտնում է ԱՆ ՔԿՎ-ն:

61 դեպքերով քրեական գործերը հարուցվել են քրեակատարողական հիմնարկների կողմից (2016թ.՝ 46):

Քրեակատարողական հիմնարկներում կատարված բազմաբնույթ աշխատանքների արդյունքում հայտնաբերվել և առգրավվել են.

• ոգելից խմիչք` 2052.95 լ. (2016թ.՝ 2505 լ.),                                                                                  
• թմրամիջոցներ` 415.7426 գ. (2016թ.՝ 674,1 գ.),
• կտրող-ծակող գործիքներ`2063 միավոր, (2016թ.՝ 3069)                              
• դրամ և արժեքավոր իրեր` 925.500 ՀՀ դրամ, 500 դոլար (2016թ.՝ 286.200 ՀՀ դրամ, 30 եվրո, 20 դոլար, 10.000 ռուփի),
• բջջային հեռախոս`1839 հատ (2016թ.՝ 2200):

Կալանավորվածներին պահելու վայրերի և ուղղիչ հիմնարկների ներքին կանոնակարգի պահանջների խախտման արդյունքում կարգապահական տույժերի են ենթարկվել 1699 կալանավորված անձինք և դատապարտյալներ: