Նիկոլ Փաշինյանն իր ամբողջ գործունեության ընթացքում եղել է քաղաքացիական բախումների կողմնակից, նախաձեռնող և ինժեներ։ Այս մասին այսօր՝ նոյեմբերի 2-ին, հայտարարեց ԱԺ «Հայաստան» խմբակցության պատգամավոր Գեղամ Մանուկյանը՝ պատասխանելով այն հարցին, թե արդյոք Փաշինյանի հայտարարությունը՝ ընդդիմության նկատմամբ հնարավոր ճնշման վերաբերյալ, քաղաքացիական բախումների կոչ չէ՞։
«Մարտի 1-ից սկսած՝ հետագա տարիներին և իր վարչապետության ամբողջ ընթացքում նա եղել է տոտալ ներհասարակական հակամարտության հրահրողն ու գլխավոր ճարտարապետը։ Դրա համար էլ մեր հասարակության ներհասարակական հակամարտությունն ուղղակի սահմաններ չի ճանաչում։
Երկու օր առաջ զինված ուժերում հերթական զոհը եղավ։ Սա շատ խորքային խնդիր է։ Կառավարությունն, իբր, միջգերատեսչական հանձնաժողով է ստեղծել։ Իմ ունեցած նախնական տեղեկություններով՝ այն, ինչին հանգել են, ուղղակի խայտառակություն է, բայց քանի դեռ պաշտոնական տեղեկություն չունեմ, չեմ հրապարակի։ Բայց այն, ինչ կատարվում է զինված ուժերում, այդ անհանդուրժողականությունը օդից չի իջել։ Դա միայն զինված ուժերում չէ։ Առավոտից գիշեր իշխանության ատելության խոսքն է հորդում, ներհասարակական պառակտման այդ տոտալ արշավը, որն իր դրսևորումներն է ունենում դպրոցում, զինված ուժերում, փողոցում, ընտանիքներում, հարազատների շրջանում։
Նրա սիրտը փառավորվում է, երբ հասարակության մեջ բախումներ են լինում»,- նշեց նա։
Մանրամասն՝ տեսանյութում։
