«Մի քանի ժամ երեկ և այսօր մենք ըմբոշխնեցինք Ութերորդ գումարման Ազգային ժողովի նիստերը, վերահիշեցինք ամբողջ հինգ տարվա խոսելաոճը, գործելաոճը և, ասեմ, որևէ որակական բան չլսեցինք կառավարության ծրագրի մասին։

Կառավարության ծրագիրը դա իրապես բաժանարար գիծ է։ Նախորդ ութ տարվա համեմատ՝ ինքը մի տարբերություն ունի, կարևոր տարբերություն։

Նախորդ ութ տարվա ընթացքում այս կառավարությունը, վարելով վատ արտաքին քաղաքականություն, բերել է մեկ, երկու, երեք պատերազմ։ Եռապատերազմի կուսակցություն եք դուք։

Բայց այս կառավարության ծրագիրը ես ուրիշ ձև եմ տեսնում։ Եթե պատերազմները նախորդ թշնամիների հետ էին, այս կառավարության ծրագիրը երեք պառակտման մասին է։

Պառակտումներից մեկը, ամենատարօրինակ, քաղաքացիության ինստիտուտի վերաձևավորման տակ, տրված է մի հարց, որ Սփյուռքի հայերը պետք է գան Հայաստան, երկար ապրեն, նոր քաղաքացիություն ստանան։

Այսինքն՝ Հայաստանը վերաձևավորում է իր մոտեցումը հայության հանդեպ։ Մարդը, ում թոռը ծնվել է Հայաստանից դուրս, ով երազում է, որ այս դրոշի տակ, այս զինանշանի տակ քաղաքացիություն ստանա իր թոռը, հնարավորություն չի ունենալու։ Կապը կտրվում է, ստեղծվում է մեկ պառակտում՝ Հայաստանի և աշխարհասփյուռ հայության միջև։ Կառավարության ծրագրի թիվ մեկ պառակտումն է։

Թիվ երկու պառակտումը՝ կրոնական առումով երեկ մենք ականատես եղանք այդ պառակտման սերմերին՝ Հայ եկեղեցու, այն եկեղեցու, որին հետևում, հավատում են մեր բնակչության 97 տոկոսը, հետևորդների միջև պառակտում, Վեհափառի և ինչ-որ մտածածին օրակարգի միջև պառակտում, հավատացյալների միջև պառակտում։

Սա երկրորդ պառակտումն է։

Երրորդ պառակտումը՝ մեր և մեր անցյալի միջև, մեր Հանրապետության, մեր հազարամյա դադարից հետո վերաստեղծված Հանրապետության անկախության հռչակագրի՝ ծննդականի հիմքի միջև պառակտումն է»,- այս մասին այսօր՝ օգոստոսի 25-ին, հայտարարեց ԱԺ «ՈՒժեղ Հայաստան» կուսակցության ղեկավար Նարեկ Կարապետյանը։

Մանրամասն՝ տեսանյութում։