Ոչ մի խաղաղություն չի լինի նման ձևով․ խաղաղություն չեն մուրում, վաստակում են։ MarzNews-ի հետ զրույցում խաղաղության մասին իր մտորումներով է կիսվել Սոթքի բնակիչ Ադելինա Մնացականյանը։
«Եթե ձեր հարևանը մի անգամ ձեր ցանկապատը մի քիչ դեպի իր հողը մեծացնի, հաջորդ օրը բերի էդ հողում մի մեղու դնի, փեթակ դնի, ոչ մի բան չասեք, ի՞նչ պիտի ասի։ Նախ ամեն մի արարքին պետք է արձագանք լիներ, որպեսզի այդպես չհոխորտար»,- նշել է նա։
Տիկին Ադելինան կարծում է, որ Հայաստանին պետք է առաջին հերթին հայրենասեր, երկրորդը՝ նվիրյալ ղեկավար։
«Նոր ղեկավարը ինքնազոհ պիտի լինի։ Ուրիշը չի կարող այստեղ ղեկավարել, չի լինի, նախ պիտի մտածի, որ ինքը նվիրումով պիտի աշխատի ազնիվ ու արդար, որպեսզի հավատ ստեղծի: Մեր ժողովուրդը հավատն է կորցրել, այ սրա համար էլ այսպես ենք։ Հավատ ստեղծի առաջին հերթին իր անձի, հետո իր կառավարման ձևի, դրա նպատակի, ծրագրի շուրջ։ Հետո աշխատի։ Անծրագիր նույնիսկ տունը չի կառավարվում: Դեռ Լևոն Լամբարյանի մասին էին ասում՝ իր տունը կառավարել չգիտի, կոլտնտեսությունը ո՞նց է կառավարելու: Հիմա որ մարդ իր տունը կառավարել չիմանա, կարո՞ղ է պետություն կառավարել»,- ասել է նա:
Մանրամասն՝ տեսանյութում։
