«Մի քանի օր առաջ Ադրբեջանի նախագահի օգնական Հաջիևը մի խումբ դիվանագետների հետ գտնվում էր էթնիկ զտման ենթարկված Արցախում, որտեղ մեր պատմամշակութային ժառանգությունը ներկայացվում էր որպես աղվանական։ Էթնիկ զտումից հետո սրանք փաստացի մշակութային ցեղասպանության դրսևորումներ են, իսկ մենք խորհրդարանական երկիր ենք։
Որպես խորհրդարանական երկրի խորհրդարանի ղեկավար՝ ուզում եմ, որ Դուք Ձեր դիրքորոշումը հայտնեք այս իրավիճակի վերաբերյալ։ Որքանո՞վ են այս քայլերը մոտեցնում խաղաղության հաստատմանը (Ձեր ընկալմամբ՝ խաղաղության հաստատմանը), և պատրաստվո՞ւմ եք արդյոք դիրքորոշում հայտնել, որ Գանձասարը հայկական է։ Ի վերջո, հազարավոր տղաներ չեն զոհվել, որ այսօր դուք չկարողանաք անգամ մի բառ ասել այն մասին, որ Գանձասարը հայկական է»,- այս մասին ԱԺ-ում ասաց «Հայաստան» դաշինքի պատգամավոր Աննա Գրիգորյանը՝ դիմելով Ռուբեն Ռուբինյանին։
Մանրամասն՝ տեսանյութում։
