«Էթնիկ զտման ենթարկված Արցախում օրերս մի խումբ դիվանագետներ, կարծես թե, տուրիստական այցելության էին գնացել, և ե՛ս, մեծ ցավով, պետք է արձանագրեմ, որ թույլ են տվել, որպեսզի իրենց ներկայությամբ խեղաթյուրվի պատմությունը, և հայկական պատմամշակութային ժառանգությունը ներկայացվի որպես աղվանական: Սա ուղղակի խայտառակություն է:
Ես հիմա տեսնում եմ՝ նույնիսկ «Քաղաքացիական պայմանագիր» խմբակցության որոշ պատգամավորներ ժպտում են իմ այս ասածի վերաբերյալ, և չգիտեմ՝ ինչու, որովհետև սա ողբերգություն է: Սա ոչ թե ժպտալու առիթ է, այլ ողբերգություն, որովհետև սա պատերազմի շարունակությունն է: Ինչքան էլ դուք ասեք. «Մենք հիմա խաղաղությունից ենք խոսում, և սահմանին կրակոց չկա, հետևաբար խաղաղություն է», մեր մշակույթի բնաջնջումը էթնիկ զտումից հետո ուղղակի պատերազմական գործողությունների շարունակություն է, ուրիշ ոչինչ: Որևէ կերպ նման ձևով խաղաղության չեն գնում, և սեփական պատմության ուրացումը չի կարող բերել խաղաղության: Ես իսկապես պահանջում եմ, որպեսզի Հայաստանի Հանրապետությունից որևէ արձագանք հնչի՝ որևէ մակարդակով»,- այս մասին ԱԺ իր ելույթում ասաց «Հայաստան» խմբակցության պատգամավոր Աննա Գրիգորյանը։
Մանրամասն՝ տեսանյութում։
