ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է Երևանում ՌԴ ԱԳ նախարար Սերգեյ Լավրովի այցին ընդառաջ իրականացված բողոքի ակցիային, մասնավորապես ՌԴ նախագահ Վլադիմիր Պուտինի նկարներով՝ «Պուտին, մարդասպան» գրությամբ պաստառներին։
«ՀՀ-ում ԱՄՆ դեսպանատունը մոտ 2000 աշխատակից ունի։ Ըստ երևույթին, նրանցից ոմանք դեռ չեն հասկացել, որ արդեն պետք է աշխատեն ռուս-ամերիկյան հարաբերությունները զարգացնելու, այլ ոչ թե հայ-ռուսական հարաբերությունները խափանելու ուղղությամբ։
Հնարավոր է ՀՀ-ում ոմանց մոտ դեռ չեն վերջացել USAID-ի միջոցները, որը նման նախագծերով էր զբաղվում։
Լավ կլիներ, որ USAID-ի միջոցներն ավելի լավ նպատակների ծառայեին»,- ասել է Զախարովան։
«Հայաստանի հետ ունենք հարցերի լայն օրակարգ՝ բոլոր ուղղություններով։ Այն, որ որոշ «փոքրամասնությունների» դա կարող է դուր չգալ, մենք տեղյակ ենք»,- հավելել է ՌԴ ԱԳՆ խոսնակը։
