Քաղաքագետ Գարիկ Քեռյանի ֆեյսբուքյան գրառումը.
«Ըստ մամուլում եղած հրապարակումների Ստամբուլում կայացած Իսլամական համագործակցության կազմակերպության (ԻՀԿ) արտաքին գործերի նախարարների խորհրդի 51-րդ նստաշրջանն ավարտվել է մի շարք բանաձևերի, այդ թվում՝ առաջին անգամ այսպես կոչված «Արևմտյան Ադրբեջանի» համայնքին վերաբերող բանաձևի ընդունմամբ։ նստաշրջանի եզրափակիչ փաստաթուղթը Ադրբեջանի նախաձեռնած հինգ բանաձևերի հետ մեկտեղ «Ստամբուլի հռչակագիրն» է և
«Ներկայիս Հայաստանի տարածքից բռնի և համակարգված կերպով վտարված ադրբեջանցիների վերադարձի իրավունքը» վերնագրով բանաձևը:
Կոչ է արվում «հայկական կողմին վերացնել խաղաղության պայմանագրի կնքման քաղաքական և իրավական խոչընդոտները», ինչպես նաև վերահաստատում է ադրբեջանցիների այսպես կոչված վերադարձի իրավունքը և դատապարտում ՀՀ-ի հրաժարումը այդ հարցում երկխոսություն սկսելուց։ Հայաստանը որակվում է որպես ագրեսոր և մշակութային հուշարձանների ոչնչացնող, դատապարտում է Խոջալուի «ցեղասպանությունը» և ՀՀ-ին ուղղված կոչեր ու քննադատություններ և այլն: Կասկած չկա, որ այս բանաձևերի ընդունումը թուրք-ադրբեջանական համատեղ նախաձեռնությունների արդյունք են, այսպիսի բանաձևեր Իսլամական համագործակցության կազմակերպությունը երբեք չի ընդունել:
Ադրբեջանցիների վերադարձը և «Արևմտյան Ադրբեջան» կեղծ եզրույթի օգտագործումը այլևս կասկած չի հարուցում, որ կա Հայաստանի պետության գոյության սպառնալիք: Արևմտամետ «ժողովրդավարական, ինքնիշխան, անկախասեր» և հակառուս ուժերը ՀՀ-ում ստանում են իրենց աշխատանքի պտուղները»:
