«Մեր քաղաքական օրակարգում լինելու է անվճար կրթության ապահովումը երիտասարդների համար: Դա մեր նախընտրական խոստումն է լինելու, ես վստահ եմ, որ դա հնարավոր է իրականացնել, մենք այդ հաշվարկներն արել ենք, առավել քան իրատեսական է: Խոսքը, իհարկե գնում է պետական բուհերի մասին, պետական բոլոր բուհերը պետք է լինեն անվճար, մենք այդ ռեսուրսն ունենք։ Աշխարհի տարբեր երկրներ, այդ թվում նաև մեր հարևան Վրաստանը դա իրականացրել է և, հետևաբար, մենք պետք է ևս անցնենք անվճար կրթության մեխանիզմի, չի կարող լինել մեկ երիտասարդ, ով չկարողանա իր վարձավճարը վճարել և դրա պատճառով դուրս մնա համակարգից»,- այս մասին «Բեկում» համաերիտասարդական ֆորումի ժամանակ ասաց ԱԺ «Հայաստան» խմբակցության պատգամավոր Աննա Գրիգորյանը։
Մանրամասն՝ տեսանյութում։
