«Մենք վերջնական որոշում չունենք մանդատների հետ կապված, ուղղակի սա այն որոշումն է, որը պիտի կայացվի՝ խորհրդակցելով նաև այլ ընդդիմադիր ուժերի հետ։ Վերջնական որոշում չկա, բայց հետևյալը պետք է ասեմ՝ պայքարը եթե պետք է շարունակվի, ապա պետք է օգտագործես բոլոր գործիքները, որոնք հնարավոր են: Հիմա մանդատները՝ դա լուրջ գործիք է պայքարը շարունակելու համար: Իմ անձնական մոտեցումը սա է, բայց, կրկնեմ, վերջնական որոշումը չկա, բայց որ պայքարը շարունակելու ենք՝ ուղղակի այստեղ կասկած չի կարող լինել: Նաև փողո՛ցը:
Տարբերությունը հետևյալի մեջ է․ լեգիտիմությունը իսկապես լուրջ կասկածի տակ է։ Իշխանության լեգիտիմությունը երբ կասկածի տակ է, սա այլ մթնոլորտ է ձևավորում նաև ներսում․ բոլորը տեսնում են, թե ինչ է կատարվել, բոլորը՝ նույնիսկ նրանք, ովքեր քվեարկել են ՔՊ-ի համար, իրենք սա տեսնում են։ Սա նշանակում է, որ իրենց վարած քաղաքականության և իրենց անցկացրած ընտրության, այսպես ասենք, փլատակների տակ մնալու է հենց ՔՊ-ն, և չեմ կարծում, որ դա տևելու է շատ երկար»,- այս մասին YerevanToday-ին, 5-րդ ալիքին և News.am-ին տված հարցազրույցում ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։