Ի դեպ, Նիկոլ Փաշինյանը Ազգային Ժողովում բյուջեի կատարողականի քննարկմանը հայտարարեց․

Կա հարկ, կա բարեկեցություն, չկա հարկ, չկա բարեկեցություն

Հայաստանում կան բարձր հարկեր, սակայն շարունակում են աճել աղքատության ցուցանիշները։ Եվ սա այն դեպքում, երբ Նիկոլ Փաշինյանը հակառակն էր խոստանում։

Կա հարկ, կա անվտանգություն, չկա հարկ, չկա անվտանգություն:

Հայաստանում կա՛ն բարձր հարկեր, սակայն այսօր Ադրբեջանի օկուպացիայի տակ է գտնվում Հայաստանի ինքնիշխան տարածքից ավելի քան 200 քառակուսի կիլոմետր։ Հայաստանն ունի կորսված Արցախ։

Կա հարկ, կա մաքուր օդ, չկա հարկ, չկա մաքուր օդ։

Հայաստանի Հանրապետության քաղաքացիները վճարում են հարկեր, սակայն Օդի աղտոտվածության մակարդակը մեր երկրում Առողջապահության համաշխարհային կազմակերպության կողմից սահմանված նորմայից մոտավորապես 6 անգամ ավելի է։ Աշխարհում 131 երկրների շարքում Հայաստանը 22-րդն է օդի աղտոտվածության մակարդակով։

Եվ ի վերջո․․․

Կա հարկ, կա պետություն, չկա հարկ, չկա պետություն: 

Հայաստանում ոչ միայն հարկեր կան, կան բարձր և ավելի բարձրացող հարկեր, սակայն Հայաստանի իշխանությունը խոսում է այսպես կոչված խաղաղության պայմանագրի համար երկրի մայր օրենքից՝ գործող սահմանադրությունից հրաժարվելու մասին։