«Օրենքները կարող են քաղաքական նպատակահարմարությունից ելնելով ընդունվել, բայց այդ պարագայում էլ մեկ արժեք պետք է գերակայող լինի․ դա իրավունքն է։ Արդյո՞ք Հայաստանի Հանրապետությունում կա իրավունքի գերակայություն՝ ոչ։ Հիմա այս պնդումը հիմնավորելու համար պետք է նայել ավելի զգայուն ոլորտներին․ պետք չի, պայմանականորեն, նայել՝ օրինակ նոտարիատի ոլորտում խնդիրներ կա՞ն, թե՞ ոչ։ Պետք է նայել այն դեպքերը, որտեղ իշխանության շահագրգռվածությունը չափազանց բարձր է․ որտեղ այն բարձր չէ, շահագրգռվածությունը խախտելու ողջամտորեն բացակայում է։
Եկեք երկու կանխավարկածի վրա կառուցենք․ առաջինը՝ անմեղության կանխավարկած, երկրորդը՝ ազատության կանխավարկած։ Անմեղության կանխավարկածը, կարծում եմ, Հայաստանի Հանրապետությունում ամենից շատ խախտվող իրավական երաշխիքն է՝ ամենից շատ։ Նույնիսկ այսօր Ազգային ժողովի նիստերի դահլիճում Ազգային ժողովի նախագահի տեղակալը, ուղիղ իր հայտարարությամբ, խախտեց անմեղության կանխավարկածը»,- այս մասին ԱԺ իր ելույթում ասաց «Ուժեղ Հայաստան» խմբակցության պատգամավոր Արամ Վարդևանյանը։
Մանրամասն՝ տեսանյութում։
