««Քաղաքացիական պայմանագիր» խմբակցության պատգամավորներից հենց ամենաառաջինը, ով ելույթ ունեցավ վերջին ժամանակահատվածում, պետք է անդրադառնար այն բառամթերքին, այն արտահայտություններին, որոնց հեղինակը հանդիսացել է «Քաղաքացիական պայմանագիր» կուսակցության առաջնորդը։ Ես չեմ տեսել եվրոպական, ժողովրդավարական, եվրաինտեգրմանը ձգտող որևէ մի երկրի առաջնորդ, ով նման բառամթերք օգտագործի, և իրեն վերահսկողներից որևէ մեկը չքննադատի։ Այստեղից առաջանում է ժողովրդավարության ճգնաժամը, որովհետև ձեզանից որևէ մեկը չի կարող դատապարտել այդ արտահայտությունները՝ ընդհուպ մինչև իրավահավասարությունն էլ հարգելով, բայց կնոջ նկատմամբ այն արտահայտությունը, լրագրողի նկատմամբ այն արտահայտությունը, որը տեղի էր ունեցել… Հետևաբար, առաջինը պետք է սկսել դրանից։»,- այս մասին ԱԺ իր ելույթում ասաց «Ուժեղ Հայաստան» խմբակցության պատգամավոր Արամ Վարդևանյանը։
Մանրամասն՝ տեսանյութում։






