ԱՄՆ-ն անհրաժեշտության դեպքում կարող է վերսկսել ռազմական հարվածները Իրանի ուղղությամբ։ Այս մասին Վիսկոնսինում գտնվող ռազմաբազա այցելելուց հետո հայտարարել է ԱՄՆ պաշտպանության նախարար Փիթ Հեգսեթը։
«Եթե մեզ անհրաժեշտ լինի կիրառել կինետիկ հարվածներ, մենք դրանք կկիրառենք։ Եթե Իրանը չափազանց ակտիվորեն օգտագործի իր լծակները կամ առճակատման մեջ մտնի ամերիկացի զինվորականների հետ, մենք կանենք այն, ինչ անհրաժեշտ է», — նրա խոսքերը մեջբերում է The Hill-ը։
Հեգսեթը նշել է, որ ներկայում Թեհրանին ամենամեծ վնասը հասցնում է տնտեսական ճնշումը։ Նա նաև պնդել է, որ Վաշինգտոնը վերահսկում է Հորմուզի նեղուցը։
«Իրանը չի կարող որևէ բան անցկացնել նեղուցով։ Մենք կարող ենք։ Համաշխարհային տնտեսությունը գիտակցում է դա, և այդ պատճառով նրանք մեծ խաղադրույք էին կատարել նեղուցի վերահսկողության վրա, սակայն դա նրանց մոտ չստացվեց», — հավելել է Պենտագոնի ղեկավարը։
