2024թ. արտահանումը ՀՀ-ում աճել է 53 տոկոսով, սակայն հայկական ծագման ապրանքների արտահանումը՝ 18,6 տոկոսով, առանց թանկարժեք մետաղների արտահանման ավելացել է շուրջ 2,3 տոկոսով։ ԱԺ-ում այս մասին հայտարարել է ֆինանսների նախարար Վահե Հովհաննիսյանը։
«2024թ․ ՀՀ այցելած է զբոսաշրջիկների թիվը կազմել է շուրջ 2 մլն 208 հազար , նախորդ տարվա համեմատ, նվազել է շուրջ 4,7 տոկոսով կամ 108 հազար մարդով, որը հիմնականում պայմանավորված է ՀՀ այցելած ՌԴ զբոսաշրջիկների թվի նվազմամբ:
Ոչ առևտրային բնույթի դրամական փոխանցումների զուտ ներհոսքի անկումը կազմել է 34,8 տոկոս, որին ամենամեծ բացասական նպաստումն է ունեցել կրկին ՌԴ-ից ոչ առևտրային բնույթի դրամական փոխանցումների զուտ ներհոսքի 52,3 տոկոս նվազումը։
Վերոնշյալ պայմաններում վերանայվել են 24 թվականի տնտեսական աճի և ՀՆԱ-ի կանխատեսումները։ 2024 թվականին գրանցվել է 5,9 տոկոս տնտեսական աճ, որը 1,1 տոկոսային կետով ցածր է եղել 24 թվականի պետական բյուջեի թիրախից, 0,4 տոկոսային կետով միջնաժամկետ ծախսային ծրագրում կատարված կանխատեսումներից և 0,1 տոկոսային կետով բարձր 2025 թվականի պետական բյուջեի կանխատեսումներից»,- ասաց նա։
Մանրամասն՝ տեսանյութում։
