Ես գիտեմ, թե ինչ է պետք անել, որ պատերազմի մասին նույնիսկ խոսակցությունը վերանա․ Ռոբերտ Քոչարյան

18 Ապրիլի, 2026

 

«Նիկոլ Փաշինյանը վախեցնում է ժողովրդին պատերազմով։ Նշվեց, որ սեպտեմբերին տեղի կունենա ավերիչ պատերազմ: Ուզում եմ Ձեր կարծիքը իմանալ, ի՞նչ եք կարծում Դուք այդ պատերազմի մասին, կլինի՞ արդյոք դա, թե՞ չէ։ Ալիևն իրեն հարմար իշխանության անկումից հետո կգնա՞ այդ քայլին, թե չէ ու ինչքանո՞վ մենք պատրաստ կլինենք այդ պատերազմին ընտրություններից հետո»,- «Հայաստան» դաշինքի՝ Վանաձորում հանդիպման ժամանակ Դաշինքի առաջնորդ, ՀՀ երկրորդ նախագահ Ռոբերտ Քոչարյանին հարց ուղղեց ներկա երիտասարդներից մեկը:

Ռոբերտ Քոչարյանը պատասխանեց․ «Բացառում եմ ընդհանրապես։ Ելույթումս ասացի, որ պատերազմի վտանգն իրենք ուռճացնում են մեկ նպատակով՝ այդ մահակը ձեռքին ունենալու՝ ձեր կամքի վրա ազդելու համար, ձեզ ճնշելու համար։ Ինձ չեն վախեցնում, ձեզ են վախեցնում: Հիմա Դուք ինքներդ ձեզ պիտի հարց տաք՝ «ես վախկո՞տ եմ, ես վախեցա՞, թե չվախեցա»։

Ինչ վերաբերում է՝ պատերազմ կամ խաղաղություն․ մեր մոդելը հետևյալն է․ պետք է երաշխավորված խաղաղություն․ երաշխավորված խաղաղությունը նշանակում է, որ խաղաղությունը կախված չլինի Քոչարյանից, Փաշինյանից կամ որևէ մեկ այլ անձից: Խաղաղությունը, որը կախված է մեկ անձից, խաղաղություն չէ: Դա խաղաղություն չէ: 

Մեր մոդելը հետևյալն է՝ երաշխավորված խաղաղություն: Սա այն է, ի դեպ, ինչը այս իշխանությունը չի ուզում: Այս իշխանությունը չի ուզում երաշխավորած խաղաղություն, ասում է՝ մենք Ալիևի հետ պայմանավորվել ենք, արդեն խաղաղություն է։ Բայց Ալիևը վաղը որ մտափոխվի, ի՞նչ ես անելու, իսկ ինքը ինչի՞ է ուզում այսպիսի խաղաղություն․ քանի որ ինքն է պայմանավորվել Ալիևի հետ, այդ խաղաղությունը պարտադիր կերպով սվարկայով կապված լինի իր անվան հետ, որ երբ գան ընտրական ցիկլեր, ինքը կանգնի-ասի՝ բայց այս խաղաղությունն իմ հետ է կապված։ Խաղաղությունը փորձում է սարքել իր անձնական բրենդը, մինչդեռ իր անձնական բրենդը պատերազմն է և արհավիրքները: 

Հիմա սխեման սա է։

Ես գիտեմ, թե ինչ է պետք անել, որ նույնիսկ խոսակցությունը պատերազմի մասին վերանա: Այդ խոսակցությունները, այդ դիսկուրսը առողջ դիսկուրս չի»։

Հարցուպատասխանը՝ տեսանյութում։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...