Խնդրում եմ՝ ուրիշ կոնֆլիկտների լուծումով չզբաղվեք․ պատգամավորը՝ Փաշինյանին

3 Դեկտեմբերի, 2025

Կառավարության հետ հարցուպատասխանի ժամանակ «Հայաստան» խմբակցության պատգամավոր Քրիստինե Վարդանյանը դիմեց ՔՊ խմբակցությանն ու կառավարությանը՝ ասելով․

«Եկեք ազնիվ լինենք ու ասենք, որ ընդամենը խնդիրն այն է, որ Ամենայն Հայոց Վեհափառի առաջնորդությամբ եկեղեցին ամենաբարձր վստահելիություն ունեցող կառույցն է հայ իրականության մեջ։

Ժողովուրդ, էս հարց ու պատասխաններին իմ մոտ տպավորություն է, որ աղանդի բանի եմ, հավաքի եմ։ Ձեր այդ կանոնադրությունում, որ հրապարակել եք, գաղտնի կետ կա՞, որ պիտի օրը չորս անգամ Փաշինյանին ծափ տաք, կամ նկարը պիտի կախեք կախեք ձեր աշխատասենյակներում։ Դա պարտադիր պայմա՞ն է։ Եվրոպա եք հայտարարում, որ գնում եք, ո՞րտեղ եք տենց բան տեսել։ Ես լուրջ եմ ասում, կարո՞ղ է իրոք ձեզ ֆյուրերով պիտի դիմենք, մի հատ հստակացրեք էլի։

Իմ գործընկերները, երեկվանից Հայաստանի հասարակության մի հատվածը քննարկում ա՝ լավ, վերջը Փաշինյանը մի մասը փաթեթների որ հրապարակեց, հույսը ի՞նչն ա։ Ես ուզում եմ անդրադառնալ հենց էս կետին։ Ժողովուրդ ջան, կարծում եմ՝ Փաշինյանի հույսը ու միակ հույսը այն է, որ դուք չեք կարդալու էդ փաստաթղթերը, առանց էդ էլ հատվածական են, բայց անգամ դա չեք կարդալու, որովհետև ես հասկանում եմ դուք ինչքան եք հոգնել էս բանավեճից, էս ցեխշպրտոցից․ դրա համար առաջարկում եմ ո՛չ ինձ վստահել, ո՛չ Փաշինյանին, այլ պարզ մի հատ հարցի պատասխանել: Հիմա այդ հարցը ձեզ եմ ուղղում: Ի վերջո ձեր նարատիվը այն է, որ Արցախը վաղուց հանձնված էր, ու մենք էդտեղ ոչինչ անել չէինք կարող, ու ձեր միակ հույսը այն է, որ այս դիվանագիտական տերմինաբանության մեջ մեր ժողովուրդը կկորցնի ճշմարտության թելը: Ես ձեզ պարզ հարց ունեմ ու առաջարկում եմ մեր հանրության ամեն ներկայացուցիչ այդ հարցը իրեն տա: Եթե Արցախը վաղուց հանձնված էր, Ալիևը ինչի՞ չէր վերցնում․ ո՞նց է եղել պայմանը, ասել է՝ մինչև Փաշինյանը չգա, ես չեմ վերցնելո՞ւ, պիտի անպայման Փաշինյանի ձեռքից վերցնե՞մ:

Երկրորդը, այդ ո՞վ է ձեզ հուշել այդ փաստարկը, որ՝ գնայիք-լուծեիք եթե ինչ-որ նորմալ բանակցային տարբերակ կա: Այսինքն եթե կոնֆլիկտը չի լուծվել էս ընթացքում, ուրեմն կոնֆլիկտը պիտի լուծել նենց, ոնց որ Ադրբեջանն է պատկերացնո՞ւմ: Ես ձեզ շնորհավորում եմ: Այո, դուք լուծել եք կոնֆլիկտը, լուծել եք այնպես, ոնց որ Ադրբեջանն է պատկերացնում: Ես ձեզ խնդրում եմ՝ ուրիշ կոնֆլիկտների լուծումով մի զբաղվեք, վախենում եմ պատկերացնել հայ-թուրքական կնճիռը ոնց եք լուծում։ Ես ուզում եմ մեր ժողովրդի ուշադրությունը դրա վրա հրավիրել։ Ձեր միակ առաջարկը՝ մենակ լուծենք-պրծնենք, կապ չունի վերջնարդյունքը․ լուծենք, պրծնենք կապ չունի ինչ արդյունք ունի»։

Քրիստինե Վարդանյանի ելույթը՝ տեսանյութում։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...