«Հայրենիքի փրկության շարժման» օրերն էին, 5-6 հոգով քննարկում էինք ընտրությունների հարցը՝ Մամիջանյանը հաստատ չի եղել այդ շրջանակում, այո՛, երրորդ նախագահը կտրուկ դեմ էր: Այս մասին 4 լրատվամիջոցների հետ հարցազրույցում ասաց ՀՀ երկրորդ նախագահ Ռոբերտ Քոչարյանը:
«Ես կողմ էի, ես ասում էի՝ չի կարող ընդդիմությունն ասել ընտրություն չեմ ուզում, հակառակ դեպքում, հասկանալի չէ, ամբողջ քաղաքական պայքարի տրամաբանությունն է դրա մեջ: Իր հիմնվորումը հետևյալն էր՝ Նիկոլ Փաշինյանը կտանի, լեգիտիմացնելու ենք ընտրությունները: Իմ մոտեցումը հետևյալն է՝ իմ կամ իրենց մասնակցելով չէ, որ լեգիտիմացվում են, այդ մեծամտությունը չպետք է ունենանք: Մեզ թվում է՝ եթե մենք չենք մասնակցում ուրեմն լեգիտիմ չե՞ն ընտրությունները:
Այն ժամանակ ինքը ասաց, որ ինքը, իրենք՝ Հանրապետական կուսակցությունը չեն մասնակցելու ընտրություններին, այդպիսի խոսակցություն իրականում եղել է:
Հետո մամուլից իմացա, որ Հանրապետական կուսակցությունը որոշել է մասնակցել: Զանգել եմ երրորդ նախագահին ու ասել՝ «դու ոնց-որ ասել էիր չեք մասնակցելու հիմա որոշել եք մասնակցե՞լ», ինքն ասաց՝ «դե մեր երիասատարդները հավաքվել են ինձ համոզել են, որ ճիշտը մասնակցելն է», վերջ:
Ինձ համար սա հասկանալի է, ինձ համար զարմանալի կլիներ, եթե չմասնակցեին ընտրություններին»,- հավելեց երկրորդ նախագահը:
Մանրամասն՝ տեսանյութում:
