Ստեփանավան համայնքում, այսօր՝ նոյեմբերի 11–ին, նորընտիր ավագանու անդրանիկ նիստն է կայացել, որի օրակարգում համայնքի ղեկավարի ընտրության հարցն էր։
Նորընտիր ավագանու ներկա 14 անդամների միաձայն քվեարկությամբ համայնքապետ է ընտրվել «Գործարար» կուսակցության ցուցակը գլխավարող Արմեն Գրիգորյանը:
«Ուժեղ Հայաստան» խմբակցության անդամները նիստին չեն մասնակցել։
Հիշեցնենք, որ հոկտեմբերի 25–ին Ստեփանավանում կայացած ՏԻՄ ընտրություններին մասնակցել է 4 քաղաքական ուժ՝ ՔՊ–ն, «Ուժեղ Հայաստանը», «Գործարար» կուսակցությունը և «Հանրապետություն» կուսակցությունը։
Նշենք, որ «Գործարար» կուսակցությամբ ընտրված քաղաքապետը նախկինում անդամակցում էր ՔՊ-ին։
