Սերժ Սարգսյանի գաղտնի աջակցությունը Նիկոլ Փաշինյանին․ Politik

1 Հուլիսի, 2025

Politik.am-ը գրում է․

2018 թվականից հետո Սերժ Սարգսյանը, օգտագործելով իր ձեռքի տակ եղած բոլոր հնարավոր մեթոդները, արել է ամեն բան, որպեսզի Նիկոլ Փաշինյանի իշխանությանը հնարավորինս քիչ վտանգ սպառնա։ Դրանք են՝ ընդդիմադիր դաշտի պառակտումը՝ հակառակ նրա խոստման, թե չունի որևէ քաղաքական հավակնություն` հանրային գործընթացներում մշտական ներկայությունը, ինչը շատերին վանում է։

Ներքաղաքական կյանքում գրեթե բոլորին հայտնի են այն հնարքները, որոնց միջոցով Սերժ Սարգսյանը փորձել է ամրապնդել Նիկոլ Փաշինյանի իշխանությունը։ Սակայն այն, ինչ նա անում է արտաքին ճակատում Փաշինյանի օգտին, քչերին է հայտնի։ Այժմ ձեզ կներկայացնենք այդ դրվագներից մեկը։

Շատերին հայտնի է, որ Սերժ Սարգսյանը հաճախ պատվիրում է սոցհարցումներ, որոնց միջոցով ծանոթանում է հանրապետությունում առկա տրամադրություններին։ Նա հաճախ այդ հարցումների արդյունքներով կիսվում է աշխարհաքաղաքական կենտրոնների ներկայացուցիչների հետ։ Մեր աղբյուրները հայտնում են, որ այդ հարցումները՝ նախքան Մոսկվա, Վաշինգտոն, Փարիզ հասնելը, Սերժ Սարգսյանի ձեռքով որոշակի փոփոխությունների են ենթարկում։

Սերժ Սարգսյանը՝ հենվելով իր իշխանության տարիներին ձևավորված լավագույն ավանդույթների վրա, մուկուչյանավարի միջամտել է իրեն փոխանցված տվյալների թվերին և ուժային կենտրոններին է հասցրել արդեն ձևափոխված և կեղծված հարցումներ։ Այդ հարցումներից նրանք պետք է եզրակացնեին, որ Նիկոլ Փաշինյանն ունի ամուր աջակցություն, իսկ նրա ընդդիմախոսները՝ կամ չունեն, կամ ունեն չնչին հանրային աջակցություն։

Երրորդ նախագահը նման հարցումների միջոցով հատկապես ցանկացել է ազդել Մոսկվայում կայացվող որոշումների վրա։ ՌԴ դեսպանատան, ԱԳՆ-ի և այլ պետական ինստիտուտների հետ կապ ունեցող անձանց միջոցով՝ հաճախ ոչ իր անունից, նա փոխանցել է իրական պատկերին չհամապատասխանող տվյալներ։ Ինչպես արդեն նշեցինք, Սերժ Սարգսյանի սուրհանդակների միջոցով Մոսկվային (ինչպես նաև այլ մայրաքաղաքներին) փոխանցված այդ տեղեկատվությունը պետք է հուշեր որոշում կայացնողներին, որ Նիկոլ Փաշինյանն անփոխարինելի է և մրցակից չունի, ուստի անիմաստ է այլ գործընկեր փնտրելը։

Ահա սա այն գործիքներից մեկն է, որով Սերժ Սարգսյանը արտաքին ճակատում լրջագույն աջակցություն է ցուցաբերել Նիկոլ Փաշինյանի իշխանությանը։ Առաջիկայում կներկայացնենք նաև այլ դրվագներ։

Նմանատիպ նյութեր

Երևանում մեկնարկել է հայ-ռուսական աշխատանքային խմբի առաջին նիստը. «Սպուտնիկ Արմենիա»

Երևանում մեկնարկել է հայ-ռուսական աշխատանքային խմբի առաջին նիստը. «Սպուտնիկ Արմենիա»

Երևանում մեկնարկել է ՀԿԵ-ի (Ռուսական երկաթուղիների դուստր ընկերություն) կոնցեսիայում գտնվող հայկական երկաթուղու գործունեության հարցերը քննարկելու նպատակով հայ–ռուսական աշխատանքային խմբի առաջին հանդիպումը, հաղորդում է Սպուտնիկ Արմենիան։Երկու երկրների ներկայացուցիչների...

Բանտերը լցված են քաղաքական հալածանքի ենթարկվող մեր քաղաքացիներով․ Լիլիթ Գալստյան

«Ինչպես գիտեք, երեկ Հայաստանի Ազգային ժողովում տեղի ունեցան «Հայաստան» խմբակցության նախաձեռնած լսումները, որոնց միացել էր նաև «Ուժեղ Հայաստան» խմբակցությունը։ Լսումները վերաբերում էին Հայաստանում ժողովրդավարության հետընթացին, ինչպես նաև...

Քննարկվել են Հայաստան-ՆԱՏՕ գործընկերության զարգացման հարցերը. ԱԳՄԱՆ

Քննարկվել են Հայաստան-ՆԱՏՕ գործընկերության զարգացման հարցերը. ԱԳՄԱՆ

ՀՀ արտաքին գործերի և միջազգային առևտրի նախարար Արարատ Միրզոյանը հանդիպում է ունեցել Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Քևին Հեմիլթոնի հետ։ Զրուցակիցները քննարկել են Հայաստան-ՆԱՏՕ գործընկերության զարգացման հարցեր, այդ թվում՝...

Ստուբը կոչ է արել ԵՄ երկրների առաջնորդներին ուղիղ բանակցություններ վարել Պուտինի հետ

Ստուբը կոչ է արել ԵՄ երկրների առաջնորդներին ուղիղ բանակցություններ վարել Պուտինի հետ

«Չափազանց երկար ժամանակ մենք Ռուսաստանի հետ երկխոսության վարումը փոխանցել ենք ուրիշներին, ինչը, իմ կարծիքով, անպատասխանատու է», - հայտարարել է Ֆինլանդիայի նախագահը։ Այս մասին գրում է Ռիա նովոստին: Ֆինլանդիայի նախագահ Ալեքսանդր Ստուբը կոչ է արել Եվրամիության երկրների...

Մոնղոլիայի նախագահը հրաժարական է տվել կոռուպցիոն սկանդալի ֆոնին

Մոնղոլիայի նախագահը հրաժարական է տվել կոռուպցիոն սկանդալի ֆոնին

Մոնղոլիայի նախագահ Ուխնաագիյն Խուրելսուխը հայտարարել է հրաժարականի մասին։ Որոշումը հաջորդել է պետական երկաթուղային ծրագրի շուրջ ծագած կոռուպցիոն սկանդալին և ընդդիմության՝ նրա հրաժարականի պահանջին։ Նախագահը հերքել է մեղադրանքները, բայց նոյեմբերի 17-ին հայտարարել է...