Սերբիայի նախագահ Ալեքսանդր Վուչիչը չորեքշաբթի օրը հայտարարել է խորհրդարանի արձակման և հոկտեմբերի 25-ին արտահերթ խորհրդարանական ընտրությունների անցկացման մասին։ Վուչիչը ցանկանում է պահպանել իր քաղաքական ազդեցությունը՝ առաջադրվելով վարչապետի պաշտոնում։ Գրում է Reuters-ը:
Վուչիչը, որը Սերբիան ղեկավարում է որպես նախագահ կամ վարչապետ արդեն 12 տարի, վերջին երկու տարիներին բախվել է հակակոռուպցիոն լայնածավալ ցույցերի։ Բողոքի ակցիաները սկսվել են 2024 թվականի նոյեմբերին՝ Նովի Սադ քաղաքում երկաթուղային կայարանի ծածկի փլուզումից հետո, որի հետևանքով 16 մարդ էր զոհվել։
Սերբիայի իշխող «Սերբական առաջադիմական կուսակցությունը» Վուչիչին արդեն առաջադրել է վարչապետի թեկնածու։ Reuters-ի փոխանցմամբ՝ դեռևս հստակ չէ՝ նա նախագահի պաշտոնից կհրաժարվի ընտրություններից առաջ, թե հետո։
