Սահմանադրության մեկ հոդված՝ 148-րդ հոդվածը, չի փոխվելու ինձ համար։ Այս մասին այսօր՝ մայիսի 22-ին, հայտարարեց «Ուժեղ Հայաստան» կուսակցության առաջնորդ Սամվել Կարապետյանը՝ պատասխանելով այն հարցնին, թե արժե՞ արդյոք մեկ մարդու համար փոխել Հայաստանի սահմանադրությունը։
«Դա արվում է այն 7 միլիոն հայերի համար, ում զրկել են իրենց երկրի կյանքին մասնակցելու իրավունքից։ Վախենալով դրսի մարդկանց հնարավորություններից՝ իրենք փակել են երկիրը ամբողջ սփյուռքի առաջ։ Մենք դրան ենք հասնելու, մինչև այդ հոդվածը չփոխվի։ Դա ես վերցրել եմ իմ վրա, որ փոխենք, քանի որ դա մեծ վնասներ է հասցնում մեր երկրին։
Հայաստանը փոքր երկիր է՝ սահմանափակ տնտեսությամբ, սահմանափակ հնարավորությունների երկիր է, և գիտենք, որ շատ մեծ երկրներում մենք ունենք շատ հաջողակ, ավելի հայրենասեր հայեր, ովքեր պատրաստ են օգնել մեր երկրին։ Ինչի՞ համար ենք մենք փակում։ Դուք գիտեք, որ հիմա հայերը նույնիսկ իրավունք չունեն մտնել Հայաստան։ Կոնկրետ երեկ մեր ընկերներին օդանավակայանից դեպորտ են արել անհասկանալի պատճառներով։ Մարդիկ եկել են իրենց հայրենիք, իրենց տուն։ Դա հասել է մարազմի աստիճանի արդեն։ Դրա համար մենք անելու ենք այդ քայլը՝ փոխելու ենք այդ հոդվածը։ Դա ընդամենը Ազգային ժողովում մի հատ քվեարկություն է։ Ոչ Սահմանադրություն ենք փոխում, ոչ ինձ համար ենք փոխում։ Դրանից կարող են օգտվել բոլորը։ Բոլորը կարող են դառնալ թե՛ նախարարներ, թե՛ տեղակալներ։ Դա շատ կարևոր խնդիր է»,- նշեց նա։
Մանրամասն՝ տեսանյութում։
