«Ժողովո՛ւրդ, եթե մարդ հոգնած լիներ իշխանությունից, չէ՛ր կեղծի ընտրությունները։ «Բարգավաճ Հայաստանին» ձայն տված գրեթե 60 000 հոգու ձայնը չէ՛ր գողանա, որպեսզի ունենար երեք մանդատ ավելի և խորհրդարանում ունենար երեք հինգերորդը։ Չէ՛ր հետապնդի այս ձևով՝ բացահայտ, օրը ցերեկով խախտելով բոլոր օրենքները։ Այսպես հլու-հնազանդ չէ՛ր ենթարկվի Ալիևին ու Էրդողանին։
Իրեն հետաքրքրող միակ բանն իշխանություն ունենալն է, և իր բոլոր գործողությունները բխում են հենց իշխանությունը պահելու մոլուցքից։ Իր համար թքա՛ծ, թե այսօր մի բան ասաց, իսկ վաղը կպարզվի, որ դա սուտ է։ Եթե այսօր դա աշխատում է, ինքը դա կանի․ իշխանությունը պահելու գործում չկա՛ ոչ մի բարոյական գիծ։
Այնպես որ՝ ո՛չ, ես ձեզ հետ համաձայն չեմ, թե ինքն ուզում է, որ հեղափոխություն լինի, ու ինքը գնա, որովհետև գնացող մարդն իրեն այդպես չէ՛ր պահի։ Ինքն այնքա՛ն կարմիր գծեր է հատել և այնքա՛ն կյանքեր է կործանել, որ, երևի թե, չի հավատում, թե իր գնալուց հետո իր հետ կարող են վարվել օրենքի դաշտում»,- այս մասին այսօր՝ սեպտեմբերի 8-ին, հրավիրված ասուլիսում հայտարարեց ԱԺ «Հայաստան» խմբակցության պատգամավոր Լևոն Քոչարյանը։
Մանրամասն՝ տեսանյութում։
