ԱԺ «Հայաստան» խմբակցության պատգամավորները խորհրդարանում ընդունել են ԱՄՆ գործերի ժամանակավոր հավատարմատար Դեյվիդ Ալենին։
Հանդիպման վերջում լրագրողների հետ ճեպազրույցում խմբակցության պատգամավոր Լևոն Քոչարյանը նշեց, թե ինչ թեմաներ են քննարկել․ «Մենք ներկայացրեցինք ժողովրդավարության հետ կապված խնդիրները, օրենքի գերակայության խախտումները, մեծ հաշվով, այն ամենը, ինչ տեսնում ենք Նիկոլ Փաշինյանից և իրավապահ համակարգից, դատական համակարգից։ Բոլորիդ աչքի առաջ են այդ խնդիրները, որոնց մասին բարձրաձայնել ենք։ Կարևոր է, որ մեր արևմտյան գործընկերներն այս ամենը ուշադրության կենտրոնում պահեն և փորձեն այս մասով ինչ-որ գործողություններ անել, ինչը որ ավանդաբար արել են»։
Լևոն Քոչարյանը չմանրամասնեց, թե ինչ արձագանքներ են ստացել խնդիրների վերաբերյալ՝ ասելով, որ փակ հանդիպում էր։ «Ներքաղաքական խնդիրներից խոսեցինք բավական երկար, նաև մեր տեսակետը ներկայացրեցինք դատական համակարգի հետ կապված, ընտրությունների արդյունքների, խախտումների վերաբերյալ։ Այն բոլոր խնդիրների հետ կապված, որ նաև մենք հրապարակային ենք խոսում, այդ հարցերն են քննարկվել։ Խոսել ենք նաև ԹՐԻՓՓ-ից, փորձել ենք ավելի մանրամասներ հասկանալ շատ բաների հետ կապված»,- ասաց Լևոն Քոչարյանը։
Մանրամասն՝ տեսանյութում։
